ឧត្តរមានជ័យ ៖ បុរសជនពិការម្នាក់បានប៉ុនប៉ងសម្លាប់ខ្លួនរហូតបានសម្រេច ត្រូវបានគេប្រទះឃើញអណ្តែតក្នុងទឹកបឹងរាជាសំរោង កាលពីវេលាម៉ោង០៩ព្រឹកថ្ងៃទី២២ ខែឧសភា ឆ្នាំ២០១៧ ។
ហេតុការណ៍នេះកើតឡើងក្នុងភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ ។ ជនរងគ្រោះឈ្មោះ ឃឹម សុភក្រ័ ភេទប្រុស អាយុ៣៦ឆ្នាំ ជាជនពិការជើងយោងតាមសម្តីពីស្ត្រីម្នាក់ដែលឈរលក់ទឹកអំពៅក្បែ នឹងកន្លែងកើតហេតុឱ្យដឹងថា មុនពេលកើតហេតុនូវវេលាម៉ោង០១រសៀលថ្ងៃទី២០ ខែឧសភា ឆ្នាំ២០១៧ គេបានឃើញជនរងគ្រោះជិះរទេះរុញតាមដងផ្លូវជាតិ៦៨B មកដល់មុនវត្តរាជាសំរោង បានយកកាំបិតអាករដៃរបស់ខ្លួនចំនួន២ទៅ៣កន្លែង នឹងចាក់ពោះប៉ុនប៉ងសម្លាប់ខ្លួន តែមានមនុស្សប្រុសជាកម្មករសំណងទៅដណ្តើមយកកាំបិតបោះទៅក្នុងរបងវត្ត បន្ទាប់មកទៀតនៅវេលាម៉ោង០៣ល្ងាចក្នុងថ្ងៃដដែលជនរងគ្រោះបានជិះរទេះរុញមកម្តងទៀត ហើយជិះចូលទៅមាត់បឹងរាជាសំរោងហៅបឹងស្នោរួចចុះទៅក្នុងទឹកបឹងមុជងើបៗតែម្នាក់ឯង ខណៈនោះរូបនាងបានវិលត្រឡប់ទៅផ្ទះ ។
ឧត្តមសេនីយ៍ត្រី ឡឹក សុខា ស្នងការរងទទួលផ្នែកព្រហ្មទ័ណ្ឌកម្រិតធ្ងន់នៃស្នងការខេត្តឧត្តរមានជ័យបានឱ្យដឹងថា ជនរងគ្រោះធ្លាប់បួសជាសង្ឃនៅក្នុងវត្តរាជាសំរោងជាច្រើនវស្សា ហើយក្រោយពីសឹកវិញ ជនរងគ្រោះបានកើតជាមនុស្សដោយមិនគ្រប់ហើយបានស្នាក់នៅនឹងវត្ត ។ យោងតាមការស្រាវជ្រាវ និងយោងតាមការបំភ្លឺពីសាក្សីដែលបានឃើញហេតុការណ៍ក្នុងការប៉ុនប៉ងសម្លាប់ខ្លួនរបស់ជនរងគ្រោះ គឺករណីធ្វើអត្តឃាតខ្លួនឯងដោយមិនមែនជារឿងឃាតកម្មនោះទេ ។ ក្រោយពីបានធ្វើការពិនិត្យរួចសមត្ថកិច្ចបានប្រគល់សពទៅឱ្យក្រុមគ្រួសារធ្វើបុណ្យទៅតាមប្រពៃណី ៕
About the Author
